Content on this page requires a newer version of Adobe Flash Player.

Get Adobe Flash player

In brief Quarterly Meeting DIMC Ermera 28 October 2016

Introdusaun

Inkontru kada fulan tolu-tolu ne’e hanesan aktividade regular ne’ebe mak husi Divizaun Community Networking Initiative [CNI] hala’o hamutuk District Infrastructure Monitoring Committee [DIMC] iha Municipiu Ermera, Timor-Leste. Aktividade ne’e objetivu atu diskute rezultadu monitoramentu ne’ebe mak Pontu Fokal sira hala’o iha sira nia fatin. No husi enkontru membru DIMC sir abele fo hanoin ba aktividade monitoramentu ba projetu ne’ebe mak haala’o monitoramentu.

DIMC Ermera iha tinan 2015 konsege hala’o monitoramentu ba projetu konstrusaun ponte iha Suku Lauala ne’ebe upload ona iha development check no rehabilitasaun no  konstrusaun ponte iha Suku Leguimea ne’ebe sei iha prosesu data entry development check.

Quarterly Meeting ne’e realiza iha Data: 30/10/2015, fatin CVTL Filial Ermera ho partisipantes ema hamutuk 14, ne’ebe kompostu husi Mane ema hamutuk 12 no Feto ema hamutuk 2, mai husi CDO, veteranus, Rep. SAS, Pontu Fokal no inklui staff CVTL.  

Update Rezultadu Monitoramentu

Husi enkontru ne’e Pontu Fokal fahe rezultadu monitoramentu ba projetu mak hanesan;

Konstrusaun ponte Lauala: Monitoramentu ba konstrusaun ponte iha Suku Lauala ne’e laa’o diak tanba Directur  Kompania (Gastao Salsinha) iha kordenasaaun diak ho Pontu Fokal no Luta Hamutuk hodi fo informasaun konaba projetu no fasilita  dokumentu (dezenu projetu), komunidade mos involve iha implementasaun projetu. Maske orsamentu ba projetu hetan ona nia montante maibe kompania la tau kuadru projetu tanba husi Governu seidauk fo kontratu ba kompania maibe projetu ne’e besik atu remata ona. Ponte  ne’e bele fo benefisiu ba komunidade iha future tanba bele fasilita komunidade iha tempu udan mota bo’ot komunidade bele ba-mai, tanba durante ne’e mota ponte la iha komunidade susar atu hakat liu mota iha tempu tanba ponte la iha.

Rehabilitasaun no Konastrusaun Ponte Leguimea: jeralmente projetu ne’e implementa ona no to’o agora la iha problema ida atu impede projetu ne’e maibe durante iha prosesu monitoramentu ne’e la’o diak maibe monitor seidauk hetan dokumentus relevante ruma konaba projetu ne’e, maske monitor konsege hetan informasaun jeral konaba projetu ne’e husi Xefe Suku. Rehabilitasaun no konstrusaun ba ponte hamutuk sia (9).

SAS: husu ba Pontu Fokal atu  bele analiza ou hare’e ba veteranu sira  tanba projetu eletrisidade  barak implementa husi veteran sira.

CDO: agora projetu barak mak implementa ona ne’ebe husu ba Pontu Fokal no membru komite sira atu fo informasaun  ba malu fulan 1 ka 2 hodi koalia konaba projetu ruma la’o iha ita nia fatin atu ne’ebe it abele kontrolu hamutuk.

Rezumu

Husi enkontru ne’e foti rezumu badak katak DIMC Ermera husi Membru no Pontu Fokal komitmentu maka’as nafatin atu hala’o kontrolu ba kualker dezenvolvimentu ne’ebe la’o iha Municipiu Ermera , liu-liu projetu ruma mak implementa iha sira nia hela fatin. No presiza projetu  nia kualidade tanba sira senti projetu ne’e husi Komunidade ba komunidade.

 

Note: Planu monitoramentu projetu Kontinua

Konstrusaun Ponte Lauala

Rehabilitasaun no konstrusaun Ponte Leguimea

Konstrusaun estadium Gleno/Ermera (projetu foun)

Projetu eletrisidade Mertutu (adisional)