Content on this page requires a newer version of Adobe Flash Player.

Get Adobe Flash player

Luta Hamutuk husu Parlamentu Nasional labele iha konflitu interese ho governu [Labele’ Piska Malu’] 06 November 2015

Parlamentu Nasional identifika frakeza programa Governu nian barak, maibe dala ruma sira piska malu’ iha kotuk hodi la fo sai problema sira ne’ebe mosu iha programa Governu nian.

Iha programa balun ne’ebe gasta barak demais no Parlamentu Nasional hatene di’ak kona-ba ida ne’e hanesan eventu, interkambiu no vizita sira. Maibe, laiha reasaun ruma husi reprezentante povu sira ne’e.

Ne’e duni, Luta Hamutuk husu ba Governu no Parlamentu Nasional labele piska malu iha kotuk-kotuk tenke hatudu onestidade iha pratika politika nu’udar reprezentante povu.

“Baa mi membru parlamentu sira tuir loloos tenke dudu programa ne’ebe relasiona ho nesesidade baziku hanesan setor edukasaun, infraestrutura no akrikultura iha area rural. La’os suporta fali ba programa ne’ebe gastu despeza estadu nian hanesan serimonia, interkabui, vizita esterna no interna,” dehan Diretor Ezekutivu luta Hamutuk, Mericio Akara, iha servisu fatin Farol-Dili,horisehik.

Tuir programa governu nian, sei halo sosializasaun asuntu Tasi Timor ba komunidade Australia ne’ebe gastu US$ 750.000. programa interkambiu veteran husi TL ba Australia mos gastu US$ 150.000. programa konferensia nasional estatistika gastu US$ 150.000 no programa selebrasaun tinan 500 portuges tama Timor gastu US$ 1.500.000. Ba programa la prioridade ne’e sei gasta US$ 2.550.000.

Nia hatutan, tuir loloos membru parlamentu sira tenke haree frakeza sira ne’ebe iha programa VI governu nian, hodi bele hadi’a no Governu bele la’o tuir nia promesa ne’ebe iha la’os atu gastu de’it.

Akara dehan, husi programa ne’ebe iha, ladin reflete ba iha povu nia moris, tanba depende ba persentajen ne’ebe iha hanesan 30% de’it mak ba iha dezenvolvimentu capital infraestrutura no umanu, maibe kauze 70% ne’e ba rekorrente ka despeza.

Dehan nia, povu Timor-Leste presiza dezenvolvimentu infraestrutura iha area rural, maibe Governu kansela fali Programa Nasional Dezenvolvimentu Suku (PNDS) no tau liu prioridade ba iha estrutura Governu, hanesan hasae kapasidade ba membru governu.

“Ami hakarak programa PNDS ne’e kontinua tanba planu ne’e di’ak no planu ne’e hahu husi area rural mak mai nasional. Bainhira programa PNDS ne’e la’o konserteza orsamentu sirkula iha ita nia nasaun.ida ne’e povu ki’ik sente duni benefisiu husi programa ne’e.” dehan nia.

Nia dehan iha Tinan 2 ne’e nia laran Governu tenke hadi’a burokrasia no fo intervensaun ba servisu ne’ebe iha hanesan Komisaun Funsaun Publika (KFP) hodi labele halo rekrutamentu ne’ebe laiha vantajen ba makina Estadu.

Publika iha Jornal Independente, data ,27/03/2015 pag (4)

 


comment

Total Comment (0)