Content on this page requires a newer version of Adobe Flash Player.

Get Adobe Flash player

Luta Hamutuk kestiona ba Kanselamentu Programa PNDS Sei Fo Impaktu ba Komunidade 06 November 2015

DILI-Timoroman: Antes ne’e, iha aprezentasaun programa VI Governu ba Parlamentu Nasional (PN), kansela Fundus Infrastrutura programa Nasional dezenvolvimentu suku (PNDS) hamutuk U$ 17.485 miliaun.

Kanselamentu ba programa ne’e hetan reasaun makas husi parte sosiedade Sivil, liu-liu Luta hamutuk, tanba konsidera programa ne’e importante tebes ba dezenvolvimentu sosiu-ekonomiku komunidade sira iha nivel rurais.

Hatan ba kestaun ne’e, Diretor Luta Hamutuk (LH), Mericio Akara hateten, programa PNDS importante tebes ba dezenvolvimentu sosiu-ekonomiku iha nivel rurais. Tanba, PNDS nudar programa nebe nia prosesu planemaentu “Bottm-Up, iha inkluzaun social, iha balansu generu,transparante no partisipativu.

Akara haktuir, ajustamentu programa no orsamentu iha VI Governu liu husi proposta OJE ratifikativu 2015 hatudu katak Governu liu husi Ministeriu Planeamentu e Investimentu Estratejiku iha tinan 2015 kansela Fundu Infras-trutura PNDS ba Suku nebe hamutuk Miliaun 17.845 iha kategoria Transferensia Publika.

Tuir Luta Hamutuk, kanselamentu Fundu Infrastrutura PNDS nian nee sei fo impaktu ba komunidade sira iha Suku, tanba komunidade barak maka halo ona preparasaun, kria Ekipa Jestaun Suku, identifika ona prioridade infrastrutura no sosializa ona ba komunidade hodi implementa programa PNDS.

Kanselamentu programa PNDS nee Luta Hamutuk konsidera nudar impedimentu ba distribuisaun orsamentu ba komunidade nivel rurais, nebe sei sente dook no sidauk sente benefisiu husi dezenvolvimentu rai laran.

Bazeia razaun hirak nee, Luta Hamutuk hakarak rekomenda ba Parlamentu Nasional atu rezeita proposta alterasaun orsamentu Fundu Infrastrutura PNDS nian, hodi nune’e programa PNDS bele implementa nafatin tuir planu nebe prepara ona husi kada suku, nune’e bele responde kestaun infrastrutura nebe komunidade sira sempre enfrenta loro-loron.

Akara kestaun katak, tanbasa halo kanselamentu ba programa nebe maka tuir loloos importante ba komunidade sira hodi hatama fali programa nebe tuir loloos la prioridade no nesesariu. Ezemplu Sosializasaun asuntu Tasi Timor ba Komunidade Australia ho orsamentu atus rihun US$ 750.0, Programa interkamibiu Veteranus husi Timor Leste ba Australia  ho orsamentu rihun atus US$ 150.0, Programa kon-ferensia Nasional Estatistika ho orsamentu rihun atus US$ 150.0 no programa selebrasaun 500 anos Oe-Cusse ho orsamentu hamutuk miliaun US$ 1.500.

Publika iha Jornal Diariu Timoroman Data, 27/03/2015 pag 1-2

 


comment

Total Comment (0)