Content on this page requires a newer version of Adobe Flash Player.

Get Adobe Flash player

Luta Hamutuk kestiona Osan U$ 1.500, Preve ba Festa Lifau 06 November 2015

Governu desidi ona hodi preve osanhamutuk millaun US $ 1.500 ba festa tinan 500 iha Lifau, Oe-Cusse (Ambeno) ne’ebe sei realize iha tinan ida ne’e.

Tuir indikador foun (newmeasure) iha Orsamentu Jeral Estadu (OJE) Ratifikativu 2015 preve osan hamutuk millaun US $ 1.500 hodi gasta ba festa tinan 500 prezensa Kolonial Portugues iha Lifau, OE-Cusse Ambeno hafoin abranje to’o Dili.

“Ami konsidera osan ne’e ita sei uza hodi han-hemu de’it. Ita gasta osan barak liu hodi halo festa de’it, maibe osan atu dezenvolve infra-estrutura no rekursu hamanu ne’e menus fali. Tanba ne’e mak ami preokupa no kestiona tebes montante osan hanesan ne’e uja hodi halo festa de’it,” hatete diretur ejekutivu Luta Hamutuk, Mericio Akara liu husi konferensia imprensa ne’ebe hala’o iha edifisiu Luta Hamutuk, Farol-Dili, Kinta (26/03/2015).

Antes ne’e prezidente Autoriedade Rejiaun Administrativu Espesial Oe-Cusse Ambeno no zona Espesial Ekonomia Sosial no Merkadu (ZEESM), Mari Alkatiri sente preokupa itoan ho perparasaun fatin ba festa tinan 500 iha Lifau, tanba difisil itoan.

Alkatiri konsidera festa tinan 500 iha Lifau, Oe-Cusse la’os festa politika nian, maibe nu’udar festa relijiaun Katolika nian. Diocese tolu (3) ne’e iha sira nia programa rasik no Estadu mos hanesan, maibe tenke tur hamutuk halo koordenasaun di’ak hodi labele soke malu.

Alkatiri mos hatutan, Ministeriu Komersiu Industria no Ambiente mos iha ona osan balun hodi fo treinamentu hospitalidade ba ema sira ne’ebe serbisu iha hotel ki’ik sira iha Oe-Cusse hodi bele atende ema ho di’ak liutan.

Publika iha Jornal Timor Post data,27/03/2015 pag 15 

 


comment

Total Comment (0)