Content on this page requires a newer version of Adobe Flash Player.

Get Adobe Flash player

Osan Biloens suli kada tinan, povu kontinua halerik 20 November 2014

Estrada át, falta bemós, Eskola át klinika át nune’e mós merkadu laiha kondisaun, sai nafatin hananu ida ne’ebé mak povu konta lor-loron maske kada tin-tinan Parlamentu Nasionál aprova osan biloens hodi halo Dezenvolvimentu.

 

 

Mericio Akara nudar Diretór ba organizasaun naun Govermental (ONG) Luta Hamutuk (LH) dehan, ema hotu bele nota no hare kada tinan kapasidade ejekusaun sempre menus máximu liu mak 60%, kapasidade ezekusaun la forte nia impaktu mak sei la maksimal, ne’e akontese ona kuaze tinan-tinan hanesan nafatin.

“Realidade ami foin fila hosi parte Manatutu, Baucau to’o iha Lospalos kuaze dezenvolvimentu to’o agora nafatin de’it la iha mudansa ita la sente konaba dezenvolvimentu ne’e, dalan hosi Baucau to’o Lospalos taka kuak de’it maibé to’o agora seidauk hotu,” Mericio Akara dehan ba jornalista iha nia servisu fatin Palapasu, segunda (17/11).

 

 

Nia dehan realidade dezenvolvimentu marka pasu tanba to’o agora kondisaun Estrada kontinua a’at nafatin, eskola, fasilidade klinika, be’e mo’os no merkadu ba vendedor kontinua la iha kondisaun. Komunidade kontinua fa’an sasan iha fatin hanesan mós uluk la iha mudansa.

“Hau hanoin tenke reforsa Ministério sira,para bele haforsa eme foun hodi apoio Premeiru Ministru, tinan oin bele hadia kapasidade ezekusaun para ninia impaktu ne’e iha,”Mericio Acara sujere.

 

 

Hodi dehan, ba  dadaun ne’e nia admira dezenvolvimentu la lao ne’e tanba ejekusaun mak fraku ou keta korupsaun mak buras. Ho nune’e nia husu ba Inspector Jeral, Komisaun Anti Korupsaun (KAK), Prokurador Jeral atu la bele nonok. Maibé  tenki  hahú ho asaun ida hodi sulan koruptor sira iha kadeia atu nune’e sira sente katak sira iha responsabilidade ba sira nia aktu. Tanba agora ita investe osan barak liu mak foti hosi fundu mina rai, maibé ninia impaktu la iha nafatin ne’e mak sai kestaun bo’ot.

Maibé tenki hanoin ba oin reforsa malu no estadu tenki indentifika ninia ema iha inisiativa servisu ba estadu, kontribui ba dezenvolvimentu.

 

 

Haree ba kestaun sira ne’e nia espera katak, orsamentu tinan oin bo’ot U$1.570 billoens kompara ho tinan kotuk U$ 1.500 billoens, importante mak tenki hasae kapasidade ejekusaun, hodi la bele repete problema hanesan agora. Orsamentu bo’ot maibé tenki hare liu ba kapasidade ejekuta osan ne’e iha ka lae atu absolve orsamentu. Tamba orsamentu bo’ot maibé ninia impaktu hanesan mós osan ki’ik ne’ebé diak liu tenki halo disiplina iha Ministeiru hotu para bele servisu ho diak. Se lae tinan ba tinan premeiru Ministru mak sei kona no stress, iha sorin-sorin mak aproveta.

 

 

Fontes: Jornal Timor Post. Tersa feira, 18/11/2014. Pag: 11

 


comment

Total Comment (0)