Content on this page requires a newer version of Adobe Flash Player.

Get Adobe Flash player

Konferensia Regional membrus PUBLISH WHAT YOU PAY no IKAT-US regional iha Jakarta-Indonesia03 June 2013 10 June 2013

Iha loron 31 de Mai to’o loron 04 fulan Juni 2013, Publish What You Pay (PWYP) no IKAT-US (A South Asian Partnership for better Governance in Extractive Industries)  hala’o Konferensia regional, konferensia ne’e hala’o iha Hotel Morrissy-Cidade Jakarta-Indonesia. Objectivu husi konferensia ne’e hodi diskute visaun Publish What You Pay 20/20 iha regiaun Asia-Pacific nian no konferensia regional ba parseria IKTA-US iha regiaun Asia-Pacific. Publish What You Pay (PWYP) no parseria IKAT-US, nudar forum/organizasaun Internasional ne’ebe estabele iha nivel International no IKAT-US nudar parseria ida iha Nivel regional nian nebe ho nia objectivu hodi hametin prosesu transparensia, akuntabilidade iha industria minarai no gas no mos hodi garante ba boa governasaun iha regiaun ASIA-Pacific nian.  

 

Konferencia regional PWYP no parseria IKAT-US nian ne’e konvida nia membrus sira nebe mak iha ASIA-Pacific nian. Iha konferensia ne’e mos PWYP konvida nia membrus Sociadade Civil (CSOs) husi Timor-Leste mak hanesan, husi Institusaun Luta Hamutuk mak hanesan  : Mericio Akara (Directur Luta Hamutuk) Elio P.Guemaraes (Program manager Luta Hamutuk) Laurentino Alves (Asistente koordenador Oil Transparensy-Luta Hamutuk). Iha mos Institusaun no rede sira seluk husi Timor-Leste mak partisipa iha konferensia PWYP nain mak hanesan: Lao Hamutuk no mos husi Core Group Transparensia (CGT).  

 

Iha konferencia ne’e, Directur Luta Hamutuk (Mericio Akara) fasilitator ba sesaun konaba “Advancing Vision 20/20 in Asia-Pacific: Towards o regional Chain for Change (CFC) strategy” mos hato’o aktividade mak durante ne’e Luta Hamutuk hala’o iha nivel regional nian liu husi forum IKAT- A South East Asian Partnership for better governance in extractive s Industries

 

Konferensia regional  ne’e partisipa husi membru Publish What You Pay iha regional Asia-Pacific tomak mak hanesan; Nasaun Indonesia, Filipina, Timor-Leste..sst. Partisipasaun Luta Hamutuk nia iha konfrensia ne’e importante tebes, tanba  ho konferensia ne’e Luta Hamutuk nudar parte ida husi Sociedade Civil Timor-Leste sei halo intervensaun partisipasaun/intervensaun barak iha nivel regional nian.  

 

Objective husi Konferensia  regional  ne’e mak hodi tau hamutuk idea no diskute no determina planu estrategia advokasia Publish What You Pay (PWYP) iha nivel nasional no regional, Konferensia  regional  ne’e mos sei halo validasaun estanda ba membership nian, diskute mos prisipiu operasional nian, konsultasaun ba membru PWYP hodi maximixa sekertariadu PWYP iha nivel regional nian. Konferensia ne’e hodi to’o/hetan consensus/oportunidade advokasia iha nivel regional; nune’e hodi diskute mekanismu hodi kontribui no dezenvolve PWYP nia prezenca iha nivel regional  nia, liu-liu ba iha regional Asia-Pacific nain

 

Mak ne’e deit press release ne’e ami hato’o obrigado barak

Jakarta, 31-05-2013

 

Mericio AKARA

Directur Luta Hamutuk