Content on this page requires a newer version of Adobe Flash Player.

Get Adobe Flash player

“TAMBA SA LALAOK NO KARAKTERISTIKU INVESTIMENTU MINARAI NO GAS (MIGAS) DIFERENTE HO INVESTIMENTU IHA AREA SELUK (NON-OIL)” 04 September 2014

Hakerek nain; Laurentino Alves

Pesquizador Luta Hamutuk

 

Introdusaun  

Timor Leste hanesan nasaun ne’ebe iha riku soin minarai no gas inklui minerals sira seluk hanesan manganese, marmer, fatuk no raihenek. Tamba ne’e tipu industria mineral hanesan meius hodi dezenvolve seitor industria mina no gas, tamba ne’e industrializasaun rekursu naturais ne’ebe naun renewable (tidak dapat diperbaharui), signifika katak buat hotu ne’ebe iha relasaun direita ho mina no gas ne’e termina ona liu husi prosesu natureza nian.  Ida ne’e indika katak rekursu naturais ne’ebe akumula iha bloku (reservoir) ida sai sentru akumulasaun mina no gas, ne’ebe mai husi komponente ida ema bolu  fosil mak nia indikativu kompostu husi (animal/hewani no fauna/tanaman) ne’ebe akumula (tertimbun dan terkumpul) iha rai okos durante tinan naruk (berjuta-juta tahun). 


“Pemerintah tidak punya cukup dana melalui anggaran pendapatan belanja negara (APBN) untuk membiayai Eksplorasi yang merupakan bisnis beresiko, oleh karena itu mencari kerjasama dengan pihak investor, baik nasional maupun asing untuk turut membiayai dan mengambil resiko tersebut, sehingga pemerintah terbebas dari resiko dan kebangkrutan karena bermain dalam bisnis migas”. (Rudi Rubiandini R.S; Pakar Migas husi ITB).

 

Importansia no papel investimentu Fundu minarai

Iha kontekstu ida ne’e atu ilustra deit katak governu hanesan nain ba rekursu naturai (mina no gas), ne’ebe sai hanesan rekursu importante hodi kontribui ba finansia Orsamentu Jeral Estadu (OJE). Tamba ne’e governu tenke prevene risku investimentu ba reseitas ne’ebe mai husi mina no gs inklui negosia kontratu ba investores hodi explora no produs riku soin mina no gas.   

 

Jeralmente objetivu husi artiklu ida ne’e atu bele aumenta no hasae kapasidade intermus konhesementu publiku liu-liu parte husi academia ne’ebe estuda no apriende konaba industria mina no gas. Nune’e mos atu haklean liu tan no detailhu konaba lalaok no karakteristiku husi explorasaun no produsaun industria mina no gas. Objetivu importante seluk mak  atu hodi halo komparasaun entre industria mina no mineral ho industria seluk ne’ebe husi non oil (industria skala kiik hanesan tenun tais no industria bamboo/au).

 

Sasukat investimentu ne’ebe tama iha kategoria nivel alto (High Cost investement) iha modelu tolu ne’ebe importante, primeiru; modelu investimentu iha industria mina no gas kompara ho investimentu tradisional, ne’e mos kobre iha investimentu direita ne’ebe kualidade no fiksu iha explorasaun no produsaun mina no gas sei fo retornu ne’ebe bo’ot ho frekuensia sukursal ho kategoria Cash flow ne’ebe bo’ot kada fulan.  Segundu; investimentu direita iha explorasaun no produsaun mina no gas sei fo benefisiu no kontribuisaun taxa ne’ebe sei la ajusta ho kustu investimentu capital (saham) no obligasi. Parte terseiru; mak investimentu ne’ebe diversifika ona ho investe direita iha industria mina no gas sei fo garantia valor kustu refere ba impaktu husi presu energia ne’ebe as no bo’ot kompara investe iha faze asset seluk.

 

Parte hirak ne’ebe sai hanesan potensia benefisiu husi investimentu direita iha industria mina no gas kompostu husi; potensia rekoperasaun kustu investimentu (cost recovery/pengembalian modal) ne’e bele rekopera entre tinan 2-4. Rendimentu ne’ebe hanesan reseitas mak taxa ne’ebe la preve ba faze/klase investimentu seluk bele iha kategoria redusaun. Faze tuir mai mak linha reseitas ne’ebe adekuadu husi reseitas annual, nune’e mos investimentu ida ne’ebe ladun influensia no la redus husi merkadu investimentu (pasar saham) no lukru investimentu (osan funan investimentu nian), no meus ikus mak diversifikasaun ba investimentu hanesan dalan alternativu ida hodi promove no dezenvolve investimentu iha industria migas hodi fo reseitas ba estado no governu no mos ba kompania investor sira iha area Extractiva industria nian.

 

Skala no durasaun tempu ba investimentu direita iha globalizasaun industria minarai no gas fo pagamentu kada fulan ba minarai no gas natural ne’ebe faan durante fulan ida. Prosesu sira hanesan ne’e iha industria migas konhesidu ho termu hanesan “mail box” tamba momentum sira hanesan ne’e talves (terkadang) mai la liu husi esforsu parte investor sira.  Kondisaun real ne’ebe akontese bainhira produsaun husi posu minarai no gas sei fo rezultadu reseitas ne’ebe bo’ot ba estadu durante iha fulan hirak nia laran iha produsaun primeiru.  Tamba ne’e kustu rekoperasaun (Cost Recovery) ba investimentu iha produsaun minarai no gas, bele rekopera iha tempu badak nia laran mais ou menus iha tinan 2-4, depende ba investimentu, presu minarai no gas iha merkadu global industria minarai no gas.

 

Kustu ba failansu (error/kegagalan) sira ne’ebe akontese bainhira iha prosesu explorasaun no produsaun minarai no gas, ne’e kompania operador mak responsabiliza, bazeia ba agreementu/akordu entre governu ho kompania minarai no gas no mos tuir kontratu fahe produsaun (KFP/Production Sharing Contract[PSC]). Kustu ba failansu (kegagalan explorasi) ne’e kobre ba estudu Geologia, geofisika, Seismic, perfurasaun (drilling) no prevensaun ba impaktu ambiental, Nune’e mos lukru ne’ebe hanesan benefisiu husi produsaun minarai no gas sei fahe la hanesan, husi hahu produsaun sei fahe/share persentajem bo’ot liu ba kompania operador ho razaun tamba kompania mak investe nia saham intermus osan no equipamentus ba halo explorasaun (estudu survey; geologia no seismic) no halo harii plata forma/rig ba produsaun minarai no gas.     

 

Husi reseitas produsaun minarai no gas, kalkulasaun ba Produsaun Domestik Brutu (PDB) ne’ebe ho inglesh termus Growth Domestic Product (GDP), iha kontekstu ida ne’e atu spesifiku liu ba oinsa industria extractive minarai no gas bele produs mais ou menus dois por treez husi total valor adisional (nilai tambah industry) minerals hanesan besi logam (Ferro:manggan) no non ferro (non logam), ne’ebe produs mais ou menus ¼ [seperempat] husi industria no produtu seluk mai husi industria minerals ne’ebe mak kontribui reseitas 10n pursentu hanesan explorasaun (perfurasaun minerals/tambang batuan). Refrensia: (Sumber: Natural Resources Canada & SM Departemen Energi, Pertambangan & Perminyakan Sumber Daya).  

 

Aktual investimentu Fundu Petroliferu iha merkadu finanseiru

Investimentu intermus politikamente no teorikamente ne’e ita aplika iha prosesu investimentu ita nia Fundu Petroliferu, liu husi politika governu liu husi Ministerio Finansa (MoF) hodi investe osan Fundu Petroliferu iha titulu Bonds 60% no Equities 40% ne’e haktuir iha Lei Fundu Petroliferu artigu Chapter (Bab) III, descreve liu konaba Investimentu no protesaun ba Fundu Petroliferu, ne’ebe mak preve liu iha artigu 11-15 sobre o (Manajementu Fundu Petroliferu,investimentu external manajer, quarterly report Fundu Petroliferu, papel no regulasaun investimentu o Fundu Petroliferu, qualifikasaun do investimentu no Asessoria do investimentu Fundu petroliferu nian). Banco Central Timor Leste (BCTL) mak responsabiliza ba maneja investimentu fundu ne’e, tuir lei Fundu Petroliferu artigu 11.3 (The Minister shall enter into an agreement with the Central Bank for the operational management of the Petroleum Fund and the Central Bank shall be responsible for the operational management of the Petroleum Fund”).

 

Nune’e iha  faze no skalaun oportunidade ba kampu servisu iha industria minarai no gas mairoia utiliza sistema teknolojia, tamba ne’e trabalhador sira ne’ebe mak iha so bele para haree tuir deit (monitor), servisu sira hanesan operasaun foti sasan todan to’o iha prosesu distribuisaun hotu-hotu uza teknolojia (exemplu; pipa ba perfurasaun/drilling & cemented).  Prosesu estudu sira ne’e hamosu partisipassaun husi kompania estranjeitu (asing), bele enkoraja kompania nasional sira hodi esforsu an no compete intermus fornesementu rekursu humanu ne’ebe iha kualidade no ekipamentus & teknologia hodi nune’e bele kontribui ba servisu iha area industria extractivu. (Sumber: Natural Resources Canada & SM Departemen Energi, Pertambangan & Perminyakan Sumber Daya) 

 

Iha merkadu investimentu finanseiru global (global investment market) spesifiku iha area industria minarai no gas, papel importante merkadu internasional minarai no gas influensia tebes ba industria barak, nune’e importante mos ba evolusaun industria migas ne’e rasik hodi nune’e  industria migas bele sai hanesan prioridades importante ba nasaun seluk ne’ebe riku minarai no gas. Aktualmente migas sai hanesan kontribuintes reseitas ho persentajem  ne’ebe bo’ot ba konsumidor energia mundial, ne’ebe husi persentajem kiik 32% ba kategoria konsumidor iha regiaun europea, Asia,  no ba iha nivel persentajem as mak 53% ba regiaun leste-medium (Timur Tengah). Referensia ("artiklu & Buku Fakta Dunia" Perbandingan Negara -. Konsumsi Minyak).

 

Karakteristiku hanesan energia noun renewable, sei hamosu problema no impaktu depresaun no absorsaun (endapan) mineral iha area balun ne’ebe iha kuantidade balun (tertentu) no bainhira halo explorasaun no produsaun. Tamba ne’e governu presija iha politika nasional konaba konservasaun minerals, kompania minerals sira em jeral fo liu prioridades ba oinsa hetan lukru ne’ebe bo’ot kompara ho produsaun mak bo’ot liu (produksi yang sebesar-besarnya).

 

Progresu dezenvolvementu industria no teknologia sei fo liu oportunidade (peluang) ba hetan reservoir (endapan) mina no gas foun hodi manetein sustentavelidade produsaun mina no gas. alternativu ida seluk mak utiliza rezerva ne’ebe ho nia kuantidade rezerva minimu ho subtitui ba produsaun minerals seluk hodi nune’e bele mantein utilizasaun minerals liu husi prosesu servisu reprodusaun (daur ulang) hodi nune’e bele garante no mantein distribuisaun minerals agregamentu no bele espekta sempre preparadu (la non renewable).   

 

Husi realidade kontekstu progresu dezenvolvementu industria extractivu global, maioria nasaun semi dezenvolvidu (sedang berkembang), ninia depensia sei maka’as ba reseitas industria minarai no gas. Kompara ho kontekstu Timor Leste nian aktualmente reseitas minarai no gas hanesan reseitas uniku, tamba kuaze 90% Orsamentu Jeral do Estado (OJE) mai husi reseitas mina no gas ne’ebe governu foti kada tinan. Em jeral hakerek nain konkluza no rekomenda katak; indusria mina no gas hanesan industria ne’ebe tenke investe ho capital (modal) bo’ot, tuir tipu no karakteristiku mak hanesan; tenke investe ho kustu as (High cost), maibe investimentu ne’e ho risku bo’ot (High risk) no investimenttu iha merkadu finanseiru inklui explorasaun no produsaun tenke utiliza teknolojia bo’ot no modern (High Tech). Agora dadauk kontribuisaun industria minerals spesifiku ba mina no gas sei nafatin sai hanesan rekursu enerjia prioridades (utama) iha utilizasaun enerjia mundu global, (“Buku Fakta Dunia”, Perbandingan Negara-Konsumsi Minyak).   

 

Dezenvolvimentu industria mina no gas hanesan industria ne’ebe iha risku as iha kontekstu hotu (ekonomia, seguransa, saude, edukasaun no infrastrutura), tamba ne’e iha prosesu explorasaun no produsaun presija trabalhador (rekursu Humanu) ne’ebe preparadu no iha skill no performance servisu diak no kualifikadu hodi nune’e bele atinji resultadu ne’ebe diak no kontribui benefisiu reseitas ba estadu. Alternative seluk mos ita presija dezenvolve seitor seluk (non migas), hanesan dezenvolve enerjia alternative no konversaun enerjia hodi nune’e bele subtitui ba reseitas husi mina no gas, tamba ita hatene katak karakteristiku (sifat) husi migas ne’e noun renewable (tidak dapat diperbaharui).

 

Maluk leitores sira hotu, artiklu ida ne’e hakerek hanesan kompilasaun ba resultadu monitoramentu Luta Hamutuk nian, referensia husi formulasaun ba asuntu tematiku ne’e hakerek nain sinkroniza husi publikasaun Banco Central Timor Leste (BCTL) ba trimestral/quarterly periodu April-June 2014, situs internet: www.gogleserch.com, statementu husi expertu migas, Rudi Rubiandini; Institute Technology Bandung (ITB), no mos rekursu  hanesan; Natural Resources Canada & SM Departemen Energi, Pertambangan & Perminyakan Sumber Daya, no referensia seluk mak rekursu husi “Livru Fakta Dunia” Perbandingan Negara Konsumsi Minyak”.

 

Hakerek nain ho esperansa bo’ot hakarak hato’o katak artiklu ne’e bele sai hanesan fontes informasaun no rekursu ba nivel akademiku no mos apresia ba maluk leitor sira ne’ebe iha   sujestaun, rekomedasaun no kritiku relasaun ho artiklu ne’e. bele hato’o liu husi email alves.laurentino@yahoo.com, ka liu husi numeru telephone; +670 7727 3514.