Content on this page requires a newer version of Adobe Flash Player.

Get Adobe Flash player

Refreshing Training for Focal Point and Members of District Infrastructure Monitoring Committee (DIMC) in Lospalos, Lautem District 13 May 2013

Refreshing Training for Focal Point and Members of District Infrastructure Monitoring Committee (DIMC) in Lospalos, Lautem District

 

Aula Sede Suco Fuiloro, Lospalos: 09 de Maio de 2013

_______________________

 

Refreshing training núdar programa regular Luta Hamutuk ne’ebe mak hetan suporta husi Integrity Action ne’ebe ho objetivu hodi fo kapasitasaun ba focal point sira no membru DIMC hodi deskuti hikas meius monitoramentu mak durante ne’e sira uza nomos “oinsa” mak sira halo akompanhamentu ba iha implementasaun dezenvolvimentu infrastruktura iha distrito no suco. Ho refreshing training, focal point no membru DIMC bele familiar diak liu tan ho meius monitoring no halo reportazen ne’ebe diak hodi uza ba interese advokasia nian. Tanba-ne’e, refreshing training ho ninia materia adisional tolu mak hanesan; (1) Orsamento Geral do Estado, espesifikamente orsamento linhas ministerial no orsamento Distrital ne’ebe alokadu liu husi projeto infarstruktura sira, (2) Importansia partisipasaun komunidade, focal point no DIMC iha prosesu monitoramentu ba projeto infrastruktura sira, no (3) Oinsa uza meius monitoramentu ho efektivu, husi agrupamentu dadus monitoramentu, sistematizaun no klasifikasaun dadus ne’ebe hetan, forma prioridades ba advokasia nia no halo reportazen ne’ebe informativu. Ho refreshing training mos parte ida husi koordenasaun, fahe experiensia entre focal point sira ho DIMC no oportunidade atu konsolida rekursu Luta Hamutuk sira iha Distrito no suco sira hodi hafasil komunikasaun no koordenasaun iha futuru.

 

Ho hanoin iha leten, iha dia 9 de Maio de 2013, Divizaun Community Networking Innitiative (CNI) Luta Hamutuk realiza refreshing training ida iha Distrito Lautem ba membru focal point no membru DIMC Sub-distrito Tutuala ne’ebe partisipa ema hamutuk nain 17, ne’ebe kompostu husi feto nain 3 no mane nain 14.

 

Diskusaun la’o kapa’as tebes tanba partisipante sira aprezenta mos lalaok implementasaun projeto infrastruktura no rezultadu balun ne’ebe hatudu katak falta koordenasaun husi kontraktor ho Autoridade suco no projeto balun depois remata hatudu laiha kualidade. Ezemplo balun mak projeto kanalizasaun bee-mos ba escola no irigasaun iha Laivai, Ililai at fila fali no la-funsiona. Hodi nune’e povo ladun senti projeto ne’e nia benefisiu.

 

Rezultado husi refreshing training, ami konsege deskobre mos katak, Luta Hamutuk (CNI) presiza atu pro-aktivu iha  komunikasaun no koordenasaun ho focal point sira iha suco ida-idak, hodi nune’e bele hatene saida mak focal point sira halo, hodi hatene mos meius akompanhamentu ba focal point no hafasil transmite informasaun sira iha nivel suco sira hodi halo advokasia bainhira presiza. Focal point sira hateten katak, matenek mak sira hetan bele sai mata-dalan ba sira hodi hafasil monitoramentu no halo relatoriu diak liu tan, sira sei uza meus hotu-hotu atu tau-matan ba projeto sira hamutuk ho sira-nia povo, hodi nune’e povo bele senti benefisia husi kualker aspeto dezenvolvimento nasional.

 

Ami hare’e katak, presiza prepara atributu baziku ba focal point hodi hafasil sira nia intervensaun bainhira halo monitoramento iha suco; por ezemplu ID card ba focal point sira, kamizola ho logo Luta Hamutuk no fasilita mos memory card hodi nune’e sira bele halibur dokumentasaun balun husi foto telefone nian.

 

A Luta Continua...!!!