Content on this page requires a newer version of Adobe Flash Player.

Get Adobe Flash player

Progress Report Rezultadu Monitoring Segundu Semester husi Sekretariadu Tekniku Komite ba Implementasaun projetu Infra-estruktura iha Distritu Aileu, tinan Fiskal 2011 10 December 2011

Introdusaun:

Politika Dezenvolvimentu Nasional ho papel prinsipal mak atu hadia no transforma kondisaun moris timor oan nian husi kondisaun mak la diak ka kiak, ba kondisaun moris mak saudável no prosperu. Iha nasaun hotu-hotu iha mundu, atu halo mudansa ba politika dezenvolvimentu nasional tenki iha vontade diak no partisipasaun ativu husi parte estadu ho nia povu. Politika atu garantia partisipasaun diak ne’e tenki hala’o uluk husi orgaun estadu sira mak kaer poder eksekutor ba dezenvolvimentu.

 

Hahu kedas husi primeiru governu konstituisional to’o governu atual, defini ona politika balun ho hanoin atu dezenvolve nasaun Timor-leste sai nudar nasaun mak moris iha kondisaun diak no prosperu. Mehi atu sai nasaun prosperiedade ne’e mak hatur ona liu husi Planu Desenvolvimentu Nasional [PDN] ne’ebé hanaran Timor Lorosa’e 2020. Iha 4º governu konstitutsional analiza no hadiak fali planu 2020, ba Planu Estrtegiku Desenvolvimentu Nasional [PEDN] 2030. Maibé realidade politika dezenvolvimentu hirak ne’e seidauk transfere rai ho povu nasaun ne’e sai husi kiak no mukit. Ne’e akontese tamba planu no politika mak estadu trasa seidauk sosializa hodi hasa’e povu nia komprensaun atu partisipa ho maximu iha prosesu dezenvolvimentu. Iha parte seluk mos tamba governu ladun iha seriedade atu foti medidas no buka solusaun hodi rezolve problema dezenvolvimentu hamutuk ho nia sidadaun hotu, maibe hakarak tau ‘an as liu no do’ok malu fali ho nia povu.  Realidade hanesan ne’e akontese momos iha implementasaun politika PDL, PDD I no PDD II.

 

Konteudu husi programa PDL nian hatete momos katak; PDL ne’e hanesan programa pilotu ida atu hasae konhesimentu no komprensaun governu lokal no komunidade sira nian kona ba politika dezenvolvimentu ho nia rezimentu sira, nudar preparasaun hodi hakat ba desentralizasaun ka ‘Kamara Munisipiu.’ Tamba ne’e, atu alkansa objetivu ida ne’e parte hotu tenki kopera no partisipa tomak iha prosesu hotu.

 

Bainhira politika governasaun hetan mudansa iha tinan 2007, governu atual interpreta fali lei PDL nian hodi hamosu projetu ka Pakote balun hanesan; Pakote Referendum nebe to’o  oras ne’e povu barak sei kestiona hela nia kualiadade no sustentavilidade, tamba rezultadu projetu hirak ne’e konsidera hanesan projetu emerzensia no fo deit benefisiu ba grupu ki’ik balun mak iha poder no kanal ho governu, maibe povu sei halerik nafatin.

 

Iha tinan fiskal orsamentu 2009-2010, governu interpreta no transfere politika PDL nian ba fali PDD iha nebe nia prosesu identifikasaun prioridade projetu hala’o direitamente husi Ministeriu ida-idak ho nia departementu relevante sira mak iha Distritu. Hotu tiha faze ne’e, lori ba Azensia Dezenvolvimentu Nasional [ADN] halo dezenhu no kontas [BOQ] no fo deit kna’ar kordenasaun ba MAEOT ho nia administrasaun lokal sira hodi halo publikasaun ba adjudikasaun ka tender ba kompania. Politika hanesan ne’e, bele hare’e ho momos katak governu lokal lakon ona poder balun, liu-liu iha identifikasaun projetu, diskusaun ho nia povu no foti desizaun. Povu la hetan liu oportunidade ona atu partisipa iha dezenvolvimentu. Perguntas ba ita hotu, Saída los mak sai indikador ba desentralizasaun? Oinsa mak atu desentraliza?   

 

Ho nune’e’e estabelementu Komite Monitoramentu no Advokasia ba implementasaun Orsamentu Geral Estadu iha Dezenvolvimentu Infra-estruktura iha Distritu Aileu, sei fo benefisiu atu hatutan povu nia hanoin ho governu hodi bele troka hanoin ba malu no buka solusaun hodi rezolve problema dezenvolvimentu mak iha, nune’e bele dezenvolve nasaun ne’e sai prosperu tuir ita hotu nia mehi. 

 

Iha Oramentu Geral Estadu [OGE] tinan fiskal 2011, distritu Aileu hetan alokasaun projetu husi item Kapital Grant [PDL] hamutuk ualu [8] no projetu iha item Despezas Kapital Desenvolvimentu [PDD] hamutuk sanulu resin hitu 17.  Total projetu husi kapital Grant [PDL] no Despezas Kapital Dezenvolvimentu [PDD] hamutuk 25 projetu. Husi projetu ne’e sei   aloka ba kada Sub-distritu mak iha tabela hanesan tuir mai ne’e: 

 

Sub-ditritu Aileu Vila 

No

Naran Orgaun

Naran Orgaun Implementador

Naran Projetu

Distritu

Sub distritu

Sukus

2011

1

MAEOT

PDD-Aldeia

Ke’e dalan ki’ik liga BTN baru/Aisirimou

Aileu

Aileu Vila

Aisirimou

12

2

MAEOT

PDD-Aldeia

Konst. Ponte ki’ik ba Aldeia Kotobau-Uru / Seloi Malere

Aileu

Aileu Vila

Kotobau-uru/Seloi Malere

15

3

MAEOT

PDD-Suco

Konst. Ponte ki’ik liga Aldeia Rairema/Uru-Leu

Aileu

Aileu Vila

Rairema

28

4

MAEOT

PDD-Suco

Fornesementu be’e mos Aldeia Raikoelefa

Aileu

Aileu Vila

Seloi Kraik

34

5

Agricultura

PDD-Sub Distritu

Construsaun kanal irigasaun

Aileu

Aileu Vila

Liurai

94

6

Agricultura

PDD-Suco

Rehabilitasaun kanal irigasaun  Malere

Aileu

Aileu

Malere

30

7

Agricultura

PDD-District A.D.N

Construsaun irigasaun

Aileu

Aileu vila

Liurai

247

8

Agricultura

PDD-District A.D.N

Construsaun Armazen Tractor ho fini

Aileu

Aileu vila

Lausi

336

9

CNE

PDD-Suco

Rehabilitasaun ba Eskritorio iha Distritu

Aileu

Aileu vila

Aisirimau

23

10

MI

PDD-Suco

Construsaun saneamento Latrinas komunidade iha Distritu Aileu

Aileu

Aielu

Aileu

59

11

MI

PDD-Suco

Continuasaun fase II cons. Be’e mos iha Aldeia Sarau Kabasfatin Hularema Aisirimou sistema gravitasaun fase II Aileu Vila

Aileu

Aileu

Seloi Malere

70

12

MI

PDD-Sub Distritu

Construsaun be’e mos Mulri Aldeia iha Aldeia Saharai Aldeia Maubata sistema gravitasaun Aileu-Vila

Aileu

Aileu

Maubata

100

13

ME

PDD-District A.D.N

Nova Construsaun EB EPS 1000 Seloi Kraik

Aileu

Aileu Vila

Aileu Vila

250

14

ME

PDD-District A.D.N

Nova Construsaun e Rehabilitasaun ESG Aileu Vila

Aileu

Aileu

Seloi Malere

250

15

MSS

PDD-Suco

Monumento

Aileu

Aileu Vila

Aileu

56

16

MSS

PDD-Suco

Osuario

Aileu

Aileu Vila

Aileu

65

 

Sub – distritu Laulara

No

Naran Orgaun

Naran Orgaun Implementasaun

Naran Projetu

Distritu

Sub distritu

Sukus

2011

1

MAEOT 

PDD-Aldeia

Konst. Ponte Bokolelo

Aileu

Laulara

Bokolelo

15

2

MAEOT 

PDD-Suco

Konst. EPF Lisimori

Aileu

Laulara

 

29

3

MI

PDD-District A.D.N

Linha Distribusaun Laulara a Cotolau, Tangkal, Raimean e Ailoc

Aileu

Laulara

Multi Suco

280

4

MAEOT 

PDD-Suco

Rehab. Ponte Erflarin

Aileu

Laulara

Erflarin

24

5

MI

PDD Sub-distritu

Kons.sistema be’e mos bomba ho solar panel iha Aldeia Bilumhatu

Aileu

Laulara

Madabeno

100

 

Sub-distritu Remexio

No

Naran Orgaun

Naran Orgaun Implementador

Naran Projektu

Distritu

Sub Distritu

Sukus

2011

1

MAEOT 

PDD-Aldeia

Hadia Estrada antigo Acu-Mau

Aileu

Remixio

Acu- Mau

15

2

MI

PDD-Sub Distritu

Construsaun be’e mos iha Aldeia Raimerhei Suco Faturasa sistema gravitasaun Remixio

Aileu

Remexio

 

Faturasa

80

3

MSS

PDD-Suco

Monumento

Aileu

Remexio

Acu-Mau

56

Sub- distritu Liquidoe

No

Naran Orgaun

Naran Orgaun Implementador

Naran projetu

Distritu

Sub- distritu

Sukus

2011

1

MI

PDD-Suco

Construsaun be’e mos iha Aldeia Manutae Suco Manucasa sistema gravitasaun-Liquidoe

Aileu

Liquidoe

Manucasa

50

 

Objetivu:

Objetivu husi komite nia aktividade monitoramentu ne’e atu kontrola hodi halibur no distribui informasaun ba malu entre governu,  komunidade no sosiedade sivil hodi garantia parte prinsipal tolu [3], mak hanesan:

  • Atu garantia implementasaun projetu ho kualidade sustentavel.
  • Atu garantia projetu nia implementasaun ho modelu transparansia.
  • Atu garantia akuntabilidade projetu no fo benefisiu ba komunidade.

 

Programa Monitoring Komite Aileu ba tinan 2011:

Hafoin lansamentu ba estabelese KMAIOD iha fulan Febreiru 2011, Sekretariadu tekniku nebe  mak hetan kna’ar nudar orgaun eksekutivu, hetan mandatu hodi halo planu ba aktividade komite nian. Bazeia ba mandatu mak iha, iha loron 08 Abril 2011, Sekretariadu realiza enkontru hodi halo planu aktividade monitoring ba alokasaun Orsamentu Jeral Estadu tinan 2011 iha Distritu Aileu. Tuir planu mak halo ona iha tinan ida ne’e, komite sei halo monitoring ba projetu nen (6) mak hanesan tuir mai:

 

  1. 1.      Sub-Distritu Aileu Vila: 

No

Naran Orgaun

Naran oragaun Implementador

Naran projektu

Distritu

Sub-distritu

Suku

2011($)

1

Agrikultura

PDD sub-distritu

Kons. Kanal irigasaun

Aileu

Aileu Villa

Liurai

US$ 94 Mil

2

Agrikultura

PDD- Suco

Rehab. Kanal irigasaun malere

Aileu

Aileu Villa

Seloi- Malere

US$ 30 Mil

3

Agrikultura

PDD- Distritu A.D.N

Kons. Irigasaun

Aileu

Aileu Villa

Liurai

US$ 247 Mil

  1. 2.      Sub-Distritu Remexio: 

No

Naran Orgaun

Implementador

Projetu

Distritu

Sub- Distritiu

Suku

2011($)

1

MI

PDD-Sub Distritu

Construsaun be’e mos iha Aldeia Raimerhei Suco Faturasa sistema gravitasaun Remixio

Aileu

Remexio

 

Faturasa

$80 mil

2

MAEOT 

PDD-Aldeia

Hadia Estrada antigo

Aileu

Remixio

Açu-Mau

$15 mil

  1. 3.      Sub-Distritu Laulara: 

No

Naran orgaun

Implementador

Projetu

Distritu

Sub distrito

Suku

2011($)

1

MI

PDD-Sub Distritu

Construsaun be’e mos sistema bomba ho solar panel iha Aldeia Bilum-hatu, Laulara

Aileu

Laulara

Madabeno

$100 mil

2

MAEOT 

PDD-Suco

Konst. EPF Lismori

Aileu

Laulara

 

$29 mil

 

Resultadu Monitoring Komite:

Tuir rejultadu monitoramentu ba implementasaun projetu PDL, PDD I no II iha data 19-25 Setembru 2011, Sekretaraidu Komite identifika ona Pontus balun mak sai hanesan analize hanesan tuir mai:

 

a. Projetu Konstrusaun Irigasaun no Konstrusaun Kanal irigasaun Suku- Liurai:

Monitoring Input

Iha prosesu halo monitoring input, FP halo ona intervista ho lideransa lokal, lideransa komunitaria no komunidade ka trabalhadores balun hodi hatene kona ba sira nia asesu ba informasaun, meus implementasaun projektu no oinsa garantia kualidade hodi fo benefisiu ba povu. Oras ne’e projetu rua ne’e iha hela faze implementasaun ho durasaun hahu husi fulan Agostu no sei finaliza iha fulan Desembru 2011. Durante prosesu monitorizasaun sekretariadu komite distrito Aileu identifika ona alokasaun orsamentu projektu nee hamutuk  $235.200, la inklui 10% manutensaun no Kompaniasa hanesan Implementador: TAOID Unipessoal, Lda. Durante monitoramentu ba projektu irigasaun ida né ekipa monitoramentu konsege identifika item projetu mak hanesan tuir mai ne halo barazen ka bronson. Ekipa monitoramentu mos identifika projektu kontruksaun irigasaun seluk nebe ho montante orsamentu $93.87 milloens  la inklui manutensaun 10%. Kompania mak hanesan Implementador mak kompania Valmar Unipessoal, Lda. Iha implementasaun projektu ida nee ekipa monitoramentu identifika katak  sei halo kanal [saluran], hodi liga be’e husi mota ba natar komunidade nian. Husi rezultadu intervista mak iha, komite nota katak iha prosesu implementasaun projetu rua ne’e ladun iha transparansia informasaun husi governu, kompania no komunidade. Tamba ne’e komite mos sei tau iha prioridade atu halo advokasia ba projektu rua ne’e. Iha mos lamentasaun balun kona ba implemtasaun projektu la iha transparansia, quadru informasaun la tau orsamentu, salariu trabalhadores minimu tamba ho sistema borong.

 

b. Konstrusaun Eskola Primaria Filial Lismori:

Monitoring Imput

iha monitoramentu inputu ba projektu kontruksaun eskola ida né ekipa peskiza konsege identifika total orsamentu ba projektu nee ho montente $29 milloens projetu nudar proposta PDD-suku. Kompania nebe mak hanesan implementador projektu ida nee mak kompania  Barudu Matak Konstruction Unipessoal Lda. Total alunus iha eskola nee hamutuk  52 primeiru-terseira klase husi mane 18 no Feto 34. Rezultadu intervista hatudu momos katak iha prosesu tenderizasaun ba projektu refere, parte kompetente la iha seriedade atu halo selesaun ba dokumentus mak hato husi kompania hodi hatene detalhu kompania nia kapasidade. Iha mos indikasaun katak laiha transparansia no kopersaun diak entre kompania ho lideransa komunitaria. Tamba ne’e hamosu rekomendasaun husi xefe suku Madabeno hanesan tuir mai ne:  “Husu atu instituisaun kompetente tenki halo selesaun mak diak no justu tuir kriteriu mak los no hare’e mos kompania nia kapasidade. Projetu iha area rural tenki fo ba kompania mak iha ekipamentu hanesan kareta no seluk tan, para bele transporta material konstrusaun. Tamba durante besik ona fulan rua [2] ne’e konstrusaun Eskola sei paradu hela, kompania sei buka fali kareta hodi tula sasan ba fatin projetu.” 

NB: seidauk bele halo intervista ho direitur kompania tamba sei preokupa hela iha Dili.

Ho nune’e, komite hakarak halo advokasia ba projetu refere, tamba iha indikasaun katak laiha transparansia no akuntabilidade, liu-liu iha koperasaun ba implementasaun projetu.

 

c. Kanalizasaun Be’e mos Bilumhatu, sub-distritu Laulara, distritu Aileu:

Monitoring Input

Iha monitoramentu input ba projektu kanalizasaun bee mos ekipa monitoramentu identifika total alokasaun projektu nee hamutuk $100 milloens. Kompania mak hanesan implementador mak kompania  Bilum-Hatu Unipessoal Lda. Projektu nia durasaun implementasaun hahu husi fulan Agostu to Novembru 2011. Projetu ne’e bele nota katak nia nia prosesu implementasaun iha duni involvementu no koperasaun diak husi parte governu, kompania no komunidade, maibé nia qualidade ba longu prazu mak sei sai hanesan obstaklu tamba komprensaun no responsabilidade hodi halo kontrolu no manutensaun ba projetu bainhira halo hotu mak seidauk difini ho lolos.

d. Estrada Antigu Açu Mau- Remexio:

Monitoring input

Iha monitoramentu input ba projektu estrada antigu asumau ekipa monitoramentu identifika alokasaun orsamentu ba projektu nee hamutuk  inisial $15 mill maibe hetan tan adisional $18. 336,57. Komapania nebe mak hanesan  implementador ba projektu ida né mak kompania Remxio Konstruction Unipessoal, Lda. Durasaun projetu ne’e sei hahu husi fulan Agostu to Outubru 2011. Projetu ho montante orsamentu mak temi ona iha leten ne’e uza ba hadia istrada ho kilo metru ida [1]. Tuir rejultadu intervista mak iha projetu la iha durasaun ba tempu naruk tamba hatetuk deit no laiha tan faze kontinuasaun, ne’e sei bele dehan projetu nia kualidade la iha no la dun fo benefisiu ba komunidade, liu-liu iha tempu udan.

 

e. Be’e mos Suku Faturasa-Remexio

Projetu ne’e Pontu Fokal labele halo monitoring tamba distansia do’ok no la iha asesu ba transporte publiku, karik iha futuru iha suportes ba KMAIOD,   mak bele kobre area remotas hirak ne’e.

Analiza:

Hare ba tabela projetu PDL, PDD I no II mak ho nia Orsamentu alokadu ona ba distrito Aileu iha tinan fiskal 2011, nota ho momos katak governu laiha base de dadus hodi garantia balansu projektu ba iha desenvolvimentu. Governu marginaliza benefisiu desenvolvimentu ba komunidade tamba desisaun ba alokasaun projektu ho nia orsamentu la justu. Projetun kuaze maioria sentraliza  deit iha sub-distritu Aileu vila, maibe sub-distritu seluk liu-liu hanesan Liquidoe ne’ebé ho nia suku hitu [7], total populasaun 7243 [sensus 2010],  hetan deit projetu ida ba tinan fiskal 2011. 

Tuir mai Sekretariadu Komite halo mos analiza ba projetu balun mak monitoriza  hanesan:

  1. 1.      Projetu Irigasaun Suku-Liurai: projetu rua ne’e ida mak Konstrusaun Irigasaun no ida seluk mak Konstrusaun kanal irigasaun. Resultadu intervista hatudu momos katak ladun iha transparansia informasaun kona ba prosesu implementasaun projetu tamba Sefe suku dehan katak kompania fo duni informasaun no prosesu rekrutamentu ba trabalhadores kada aldeia ema nain 2. Responsável kompania deklara katak trabalhadores sira foti deit husi aldeia 2 mak nudar natar nain/benefisiariu. Parte komunidade lamenta katak kompania rekruta fali trabalhador mai husi suku seluk. 

 

Bainhira FP sekretariadu komite halo cross check, identifika katak ema servisu iha projetu ne’e hamutuk nain 11, inklui tukan nain tolu [3], ema sira ne’e mai duni husi aldeia rua [2] mak nudar natar nain. Komunidade balun mos senti ladun satisfas tamba implementasaun projetu bele hamosu fali desastre inundasaun bainhira iha tempu udan, nst.

 

 Hare ba povu nia preokupasaun ne’e bele nota ho lolos katak iha prosesu halo survey no identifkasaun ba prioridade iha nível suku, governu/ka autoridade lokal sira la fasilita diskusaun klean ho komunidade hodi detekta no hare problema sira hanesan ne’e. Bele  mos akontese katak autoridade lokal sira halo deit aprosimasaun direta ba lideransa komunitaria hodi foti desisaun ba prioridade projetu refere no la garantia transparansia informasaun ba komunidade.

 

  1. 2.      Konstrusaun EP Filial Lismori, Madabenu-Laulara, distritu Aileu: projetu ne’e nia implementasaun komesa husi fulan Agostu no sei remata iha Outubru 2011. Realidade to oras ne’e sei paradu hela no bainhira pontu fokal sira halo monitoramentu ba to fatin implementasaun projetu, hare ho momos katak implementasaun seidauk lao duni. Lamentasaun seluk husi mos sefe suku Madabenu hateten katak to oras ne’e kompania seidauk fo informasaun ba autoridade suku kona oinsa halo servisu, rekruta trabalhadores nst. Iha parte seluk sefe suku haklean liu tan katak tamba kompania seidauk iha ekipamentus hanesan kareta hodi tula material konstrusaun nian ba to fatin projetu. Ho nune’e’e bele dehan katak iha prosesu kompania ható nia dokumentus ba aprovisionamentu, governu ladun iha seriedade atu verifika lolos dadus kompania nian prensa duni requisitu hotu kona ba tender ka lae. Iha parte seluk autoridade kompetente mos la iha seriedade atu halo cross check hodi hare ho lolos kondisaun no kapasidade kompania nian.    
  2. 3.      Projetu Be’e mos Bilum-Hatu, Madabenu-Laulara, distritu Aileu: projetu ne’e bele dehan katak kompania iha aldeia laran ho naran ‘Bilum-Hatu Unipessoal Lda,’ mak manan duni tender. Tamba ne’e bele iha garantias katak kompania lokal ne’e sei iha responsabilidade atu halo ho qualidade tamba sira mak sai duni nain ba projetu ne’e. Iha oras FP dada lia ho reponsavel kompania, hatete katak sira kordena ona autoridade komunitariu hodi halo rekrutamentu ba trabalhadores no hodi halo mos kontrolu. Iha sorin seluk bainhira dada lia ho responsal SAS distritu mos grantia ona katak sira iha lina kordenasaun no koperasaun diak iha parte hotu hodi garante projetu nia qualidade.

 

 Tuir sekretaraiadu komite nia hare, Iha duni qualidade ka lae, ne’e sei sai pontu interrogasaun, tamba projetu sei iha hela faze implementasaun. Atu garante qualidade labele koalia deit iha ibun, maibe’e rejultadu implementasaun projetu mak nudar provas atu dehan katak iha qualidade ka lae. Tamba ne’e komite mos hein hela katak qualidade projetu ne’e tenki iha duni, para sai ijemplu ba projetu tuir mai, liu-liu povu barak mak sei halerik hela susar ba be’e mós iha distritu ida ne’e.  

  1. 4.      Ke’e  Estrada Antigu Açu-Mau, Remexio, distritu Aileu:  Iha faze identifikasaun ba projetu ne’e bele dehan katak nia lalaok mai duni husi baze. Komunidade mak hato’ duni proposta liu husi inkontru iha nível suku hodi halo identifikasaun prioridade no tais inisiu. Ne’e meus ida mak diak atu garante partisipasaun aktivu husi povu ba halo planeamentu no garante mos sistema transparansia iha prosesu desenvolvimentu.  

 

Iha faze implementasaun projetu mos kompania realiza liu husi inkontru nível suku ho populasaun no lideransa komunitaria, hodi diskuti kona prosesu tomak implementasaun projetu nian. Trabalhadores sira rekruta mai husi aldeia sira hotu suku ne’e nian.

 

 Husi parte sekretariadu nia hare katak; sistema kontrolu husi guvernu no oinsa hasa’e komunidade no trabalhadores sira nia konhesimentu no kompriensaun kona ba projetu ne’e nia benefisiu mak seidauk iha. Ne’e presisa halo iha avaliasaun bainhira projetu ne’e nia manutensaun remata no intrega ba governu lokal ho komunidade mak nudar nain ba projetu. Politika planeamentu maim husi baze, entaun tenki involve mos komunidade iha diskusaun no alokasaun orsamentu.  

 

Konklusaun:

Maske programa monitoring no advokasia sei kontinua hela, bele hamosu ona konklusaun balun katak; politika governu nian hodi foti desizaun ba aloka orsamentu ba dezenvolvimentu iha area rurais, nudar planu no politika ida mak diak. Governu halo ona meus balun atu oinsa bele garantia desenvolvimentu ba kondisaun moris diak. Atu hetan desenvolvemntu ida mak iha qualidade no partisipativu, governu nia papel mak atu garante sidadaun hotu nia partisipasaun tamba hakarak ka lakohi povu mak sei sai duni benefisiariu ba desenvolvimentu ne’e. Hare ba planu no politika desenvolvimentu mak iha, governu koalia momos kona komitmentu atu garantia transparansia no akuntabilidade iha prosesu desenvolvimentu, maibé iha pratika seidauk refleta kompromisu no komitmentu hirak ne’e. Realidade tamba iha implementasaun projetu kompania seidauk gareantia transparansia informasaun iha faze implementasaun projetu. Ne’e akontese tamba failansu governu sentral nian liu-liu iha implementasaun politika desenvolvimentu no sistema kontrolu mak seidauk diak.

 

Rekomendasaun:

Hare ba rezultadu monitoramentu ba prosesu implementasaun projetu infra-estrutra iha Distritu Aileu ba tinan fiskal 2011, ne’ebe’e iha nia indikasaun problema balun mak hetan hanesan: Hahu husi politika planeamentu, implementasaun no avaliasaaun, seidauk garantia modelu transparansia, partisipasaun aktivu no kualidade projetu, mak Sekretariadu KMAIOD estuda tiha hotu rezultadu intervista ho entidade kompetente husi governu lokal nian balun, Lideransa Komunitaria balun, nomos populasaun ka trabalhadores lubuk ida, mak hamosu rekomendasaun hanesan tuir mai:

  • Prioridade projetu PDL, PDD I no PDD II iha Orsamentu Geral do Estadu ano fiskal 2011 ba Distritu Aileu, la iha balansu tamba projetu maioria implementa iha Sub-distritu Aileu Vila no la tau atensaun ba Sub-distritu seluk hanesan Liquidoe.
  • Rekomenda ba Governu bainhira halo planu, tenki involve governu lokal no komunidade iha prosesu husi identifika prioridades, aloka orsamentu implementasaun no halo avaliasaun, atu nune’e povu bele hatene no komprende ho diak liu kona ba benefisiu dezenvolvimentu.
  • Rekomenda ba governu sentral atu aloka orsamentu ba konstrusaun Eskola Primarai Filial [EPF] Lismori tenki justu iha balansu sektoral no hetan mos tratamentu hanesan ho alokasaun orsamentu ba fatin sira seluk. Labele halo edifisiu ida ba povu sira nia oan atu asesu ba edukasaun ho projetu mak volume orsamentu kiík no emerzensia deit.
  • Politika PDD I no PDD II seidauk garantia modelu transparansia no desenvolvimentu partisipativu, tamba desizaun ba halo dezenvolvimentu sentraliza liu iha nasional. Ho nune’e, husu ba governu sentral atu politika desnevolvimentu lao ho diak, tenki iha sistema ida mak garantia ema hotu-hotu nia partisipasaun no governu sentral la bele konsidera  guvernu lokal ho komunidade iha baze hanesan fali instrumentu desenvolvimentu, liu-liu iha desisaun.  
  • Rekomenda ba governu sentral atu fo tomak poder kontrolu/supervisaun nian  ba governu lokal no lideransa komunitaria hodi garante qualidade projetu ba sustentavilidade desenvolvimentu.
  • Rekomenda ba governu sentral liu-liu Ajensia Desenvolvimentu Nasional [ADN], bainhira halo planeamentu anaul ba dezenhu, alokasaun orsamentu ka BOQ ho volume osamentu bo’ot, tenki liu husi inkontru no diskusaun klean ne’ebe’e involve mos lideransa lokal, lideransa komunitaria, representante povu, nomos representante sosiedade sivil hodi hare benefisiu projetu ne’e molok foti desizaun ba halo implementasaun.
  • Rekomenda ba governu sentral katak: atu hasae kapasidade governu lokla ho komunidade nia komprensaun iha eksekusaun orsamentu ba desenvolvimentu, entaun orsamentu mak ho volume menus husi $50.000, tenki fo poder ba governu lokal ho komunidade mak eksekuta. Sistema kontrolu husi naional mak tenki diak ho orientasaun lolos no iha duni efikasia no efektividade.
  • Rekomenda ba governu sentral atu tekniku sira labele sentraliza deit iha nasional, maibé tenki koloka ona tekniku balun iha nivel distritu ka sub-distritu hodi tulun komunidade, lideransa komunitaria no governu lokal iha prosesu planeamentu, implementasaun projetu ho diak. Meus hanesan ne’e bele hasae governu lokal ho komunidade nia konhesimentu no komprensaun iha desenvolvimentu no bele hamosu sistema kontrolu ida mak efektivu hodi garantia qualidade no akuntabilidade iha implentasaun projetu.

 

Aileu 19 Outubru 2011

 

Mericio AKARA

Portavoz Komite Distritu Aileu